બેંગ્લોર દિવસ 2

* સવારે ઈડલી અને ઉળીદ વળાં કે મેંદુ વળાં આરોગવામાં આવ્યા.

* દિવસની શરુઆતના સેશન ખુબ જ બેઝીક પ્રેઝેન્ટેશન ટેકનીક પર હતાં 😦 ગઈ કાલ વાળો જ વ્યવસાયિક સ્પીકર આવેલો, આપણને તો એમાં બહુ કઈ રસ ન પડયો.

* આજે બપોરે હરી પ્રસાદ નાડીગ સાથે મુલાકાત થઈ. ત્રણ વર્ષ પહેલાં જ્યારે પ્રથમ વિકિપીડિયન અનિરુધ ભાટી સાથે મુલાકાત થઈ હતી ત્યારે હું હરીને મળ્યો હતો અને એ બન્ને લોકોએ મને વિકિપીડિયા પર આવવા પ્રોત્સાહન આપ્યું હતું 🙂 હરી પ્રસાદ ભારતનાં જૂનાં વિકિપીડિયનમાં નો એક છે, તે કન્નડ અને સંસ્કૃત વિકિપીડિયા પર પ્રબંધક પણ છે અને તેણે વિકિમીડિયા ભારત રચવામાં પણ ખુબ મદદ કરેલ છે.

* બસ એ દિવસ થી જ આખી જિંદગી બદલાય ગઈ અને આજે હરી મને જોઇને પણ ખૂશ થયો અને ઘણાં વિષયો પર ખુબ ચર્ચા થઈ.

* ત્યાર બાદ સુનીલ અબ્રાહમ સાથે મુલાકાત થઈ. સુનીલ, ભારતમાં ઈન્ટરનેટને લાગતી વળગતી ચળવળમાં ખુબ આગળ પડતું માથું છે. તેની સાથે પણ ચર્ચા કરવાની ખુબ મજા આવી, તે બહુ સારો વ્યક્તા અને વ્યક્તિ છે 😀

* બેંગ્લોરનાં વાદળોનાં પણ દર્શન નથી થયા 😀 સવાર થી સાંજ લગભગ એક જ ઓરડામાં નીકળી જાય છે. છેલ્લા એક વર્ષમાં જેટલું નારિયલ નહિ ખાધું હોય એટલું તો માત્ર બે દિવસમાં ખાધું, બધાજ શાકમાં નારિયલ !! 😮 તેમ છતાં અત્યારે તો સ્વાદિષ્ટ લાગે કારણ કે નવીન વસ્તુ છે, પણ જો અહિયાં જ રહેવાનું હોય તો તો વિચારવું પડે 😀

બેંગ્લોર દિવસ 2

બેંગ્લોર દિવસ 1

* દિવસની શરૂઆત નાશ્તામાં ઢોસા અને ભાજીથી થઇ (welcome to Bangalore 😀 ) !

* વિકિપીડિયાનાં કાર્યક્રમ હેઠળ કન્નડ, તેલુગુ, મલયાલી, કોનકણી, મરાઠી, ઓળિયા, બંગાળી, હિન્દી, પંજાબી વિકિપીડિયાનાં કાર્યકરો આવ્યા છે. અને હાઁ પહેલું બહું વગોવાયેલું વિકિપીડિયા ક્લબ પુણે પણ હાજર છે 😛

* સવારનાં શેશનો બહુ બેઝીક રજૂઆતને લઈને હતા, બહું નવાઈ લાગી કે અમુક લોકોનાં 20,000 એડિટ કાઉન્ટ હોવા છતા વિકિપીડિયા વિષે 2 મીનીટમાં સરળ ભાષામાં (અંગ્રેજી કે તેમની માતૃભાષા) ન બોલી શકે 😦

* બપોરે એક વ્યવસાયિક સ્પીકરને બોલાવવામાં આવ્યો હતો, તેને સારું પ્રેઝેન્ટેશન આપ્યું પણ કશું નવું જાણવાં ન મળ્યું.

* અમુક લોકો સાથે ચર્ચા કરવાની ખુબ મજા આવી. તે લોકોની કમ્યુનીટી કઈ રીતે કામ (કે બબાલ) કરે તે જાણવા જેવું છે.

* આ બધા લોકોને જોતા તો મારે ધવલભાઈ, અશોકભાઈ અને ગુજરાતી વિકિપીડિયા પર યોગદાન દેનાર દરેક વ્યક્તિનો આભાર માનવો જોઈએ કે આપણાં લોકોમાં સંમતી છે બધા કાર્યો ખુબ જ શાંતિથી થાય છે, વગર કોઈ ફાલતું માથાકૂટે. ભલે ગુજરાતી વિકિપીડિયા કમ્યુનીટી ખુબ નાની છે પણ એકદમ અસરકારક છે. તમને લોકોને પણ ગુજરાતી વિકિપીડિયા કે વિકિસોર્સ પર જોડાવવા આમંત્રણ છે 🙂

* દરેક વખતે જમવામાં કંઇક નારિયલની વસ્તુ હોય જ છે, અને રાત્રે જમીને આપણી આંગળી જેટલા લાંબા કેળા આપવામાં આવે છે 😀

બેંગ્લોર દિવસ 1

બેંગ્લોર દિવસ 0

* અમદાવાદથી બેંગ્લોર જેટ કનેક્ટની ફલાઈટ વાયા મુંબઈ હતી. એક વિચિત્ર વસ્તુ જાણવા મળી કે અમદાવાદથી જો હું પ્લેનમાં બેઠો, મુંબઈ પર પ્લેન બદલવાનું પણ ન હતું એજ પ્લેનમાં નવા મુસાફરો ચળે તેમ છતા પ્લેનની અંદર અમદાવદથી આવેલા મુસાફરોની બેગનું ફરીથી ચેકિંગ થાય અને ટ્રાન્ઝીટ ચેકનો ટેગ લાગે 😀 what a waste of resources !

* બેંગ્લોર એરપોર્ટ કંઈ એટલું ખાસ મોટું ન લાગ્યું, પણ પાર્કિંગની અને અન્ય વ્યવસ્થાઓ સારી છે.

* ટેક્સી ડ્રાયવર લેવા આવેલ, પણ તેને હિન્દી કે અંગ્રેજીમાં કઈ ખબર ન પડે.

* હું બેંગ્લોરમાં છું જ નહિ એવું કહેવું જરાય ખોટું નથી. દુર દુર કોઈક અત્યાધુનિક બીઝનેસ સેન્ટર માં કાર્યક્રમ છે. રહેવા ખાવા પીવાનું બધું એક જ જગ્યાએ.

* આજુ બાજુ કોઈ પણ પ્રકારની વસ્તી નથી દેખાતી 😀 સાંજે સહેજ આજુ બાજુમાં ચાલીને આંટો માર્યો તો ખબર પડી કે આખો વિસ્તાર ખ્રિસ્તીઓનો છે અને અમારું સેન્ટર પણ south asia institute of advance christian studies તરીકે જણાય છે !! એટલે રૂમમાં બાયબલ મુકવામાં આવી છે 😀 😛

* મિત્ર અને કઝીનનું ઘર અહિયાંથી લગભગ બે કલાક અને પાંચસો રુપયાની ટેક્સીની દુરી પર છે 😛 ખબર નહિ ક્યારે અને કેવી રીતે જઈશ !

બેંગ્લોર દિવસ 0

હોંગ કોંગ નિરીક્ષણો

* હોંગ કોંગમાં લગભગ 10 દિવસ થય ગયા છે અને સારું એવું રખડ્યા બાદ થોડા ઘણાં નિરીક્ષણો !!

* એશીયાનાં મોંઘા માં મોંઘા શહેરોમાં નું એક !! હું ન્યુ યોર્ક, ડી સી અને ફિલાડેલ્ફીયા પણ ફર્યો છું તેમ છતા મને હોંગ કોંગ મોંઘુ લાગે છે 😀 .

* અહિયાંનાં લોકોને મોબાઇલ અને ટેબ્લેટ પ્રત્યે બહુ પ્રેમ હોય છે, 24 કલાક માથું નીચું ને નીચું જ હોય !!!

* અહિયાં લોકો ટેકનોલોજીનો ઉપયોગ પોતાની જ ભાષામાં કરે છે \m/ જેથી બધા લોકો તેનો સારો ફાયદો લઇ શકે.

* પુરુષોને મહિલાઓ જેવા પર્સ લટકાવવાની ટેવ છે 😛

* અહિયાં કદાચ 1 x 1 મીટરનો ટુકડો પણ એવો નહિ હોય કે જ્યાં પ્રોટેક્ટેડ કે અનપ્રોટેક્ટેડ વાય ફાય ન પકડાય 😉

* એમ. ટી. આર કે સબવે માં એટલો સમય ન બગડે જેટલો સમય તમારે રસ્તો ક્રોસ કરવામાં જાય !!

* અહિયાંનાં રહેવાસીયો કોઈ ઘરે રસોઈ કરવામાં નથી માનતા, બપોર હોય કે સાંજ બધા બારે જ ખાય.

* અહિયાં સ્ટારબક્સ કરતાં રોલેકસ અને ટેગ હ્વેરનાં શો રૂમો વધારે છે અને ડુપ્લીકેટ રોલેકસ પણ કિલોના ભાવે મળે 😉

* અહિયાંની છોકરીયો ખુબ જ સ્ટાઈલ અને ફેશન conscious છે, કોઈ પણ મેકપ કર્યા વગર બહાર ન નીકળે.

* ચીની છોકરીયોનાં શોર્ટ્સ કે સ્કર્ટની લંબાઈ આપણાં બોકસર્સ કરતાં પણ ટૂંકી હોય છે 😀 😉 :* .

* વધુ નિરીક્ષણો આવતી પોસ્ટમાં 😀

હોંગ કોંગ નિરીક્ષણો

હોંગ કોંગ દિવસ 5, 6, 7

*  આમ તો વિકીમેનીયા પરમ દિવસે પૂર્ણ થઇ, ગઈ કાલે અને આજે થોડો આરામ કર્યો અને હોંગ કોંગ રખડ્યો.

* વિકીમેનીયામાં તો બહુ જ મજા કરી, ખાલી શાકાહારીયો માટે જમવાનું ઠીક ઠાક હતું.

* તો પછી શનિવાર ની રાત કેવી રહી, 😉 કાર્તિક કે મને કદાચ જો યાદ ન હોય તો અમને જવાબદાર ગણશો નહિ 😀

IMG_20130811_000556

* આજે આઈ એફ સી મોલમાં એક ફ્રેંચ આઈસ ક્રીમ ખાધો, 100 મી. લી. માત્ર સાઈંઠ હોંગ કોંગ ડોલર માં 😀

IMG_20130813_165340

* પછી એક દિવસ એપ્પલ સ્ટોરની મુલાકાત લેવામાં આવી, આમ જોવા જઈએ તો દુનિયામાં સારાં માં સારા એપ્પલ સ્ટોર મેં નિહાળી લીધા છે 😉 \m/ નીચે દેખાતા પગથીયા સ્ટીવ જોબ્સ નાં નામે પેટન્ટ ધરાવે છે 😀

IMG_20130812_103241

* અત્યારે તો હોંગ કોંગ પર ટાયફુન ભમરી લગાવી રહ્યું છે 😉 T 3 નંબરનું સિગ્નલ છે ભારે પવન અને થોડો વરસાદ પણ ચાલુ છે, પણ સમગ્ર હોંગ કોંગ ભારે થી અતિ ભારે તોફાન કે ટાયફુન માટે પૂર્ણ રીતે તૈયાર છે 🙂

IMG_20130813_175105

હોંગ કોંગ દિવસ 5, 6, 7

હોંગ કોંગ દિવસ 3, 4

* ગઈ વિકીમેનીયા વખતે હું ન્યુ યોર્ક શહેરની ટોચ પર ગયો હતો એટલે કે રોકફેલ્લ્ર પ્લાઝા પર નાં 80 માં માળે, તો શું? તો, આ વખતેની વિકીમેનીયામાં હું હોંગ કોંગમાં 100માં માળે ચડ્યો 😉

*લીફ્ટ પહેલા માળે થી સો માળ પર માત્ર 60 સેકન્ડમાં પહોંચે 😮 .

* અમે સાંજના સમયે સુર્યાસ્ત પહેલા ગયેલા એટલે સમગ્ર હોંગ કોંગ નો સારો નજરો જોવા મળ્યો.

* સ્કાય 100 ખુબ જ વિશાળ અને અદ્ભુત છે, તેમાં આવેલા મોલમાં લુઈ વુટોન, જીમ્મી શું, ડી બીયર્સ, ટોડસ જેવા પ્રખ્યાત ડીઝાયનરોનાં શો રૂમો છે !!

* વિકીમેનીયા એટલે કે ભારી મુસીબત વાળું કામ, કયા કાર્યક્રમ કે સેશનમાં જવું તેમાં ગુંચવાય જવાય અને ચારેય બાજુ બુદ્ધીશાળી જીવોનાં ટોળા ઉભરાતા હોય.

* આજે કાર્તિક, અલોલીતા, રુના, સંથોશ અને તેની પત્ની સાથે મોન્ગ કોક ફરવા ગયા.

* ફોટાઓ પાડ્યા છે પણ અપલોડ કરવાનો સમય નથી, તેમ છતાં થોડા ઘણા ફોટાઓ ફ્લીકર અને ઇન્સટાગ્રામ પર નજરે ચળી જશે 😉

* હોંગ કોંગ એક એવું શહેર છે જ્યાં બધા જ લોકો માથું નીચું ઘાલીને ચાલે 😉 એટલે કે બધા જ લોકો મોબાઇલ પર ચોટેલા હોય અને ચાલતા હોય એટલે તમારે જ બચીને ભટકાયા વગર નીકળી જવાનું.

હોંગ કોંગ દિવસ 3, 4

હોંગ કોંગ દિવસ 2

* આજે વિકીમેનીયા પહેલાની પરિષદ કે ડેવેલપર્સ મીટીંગ હતી.

* સવાર થી સાંજ કોમ્પ્યુટર સામે જ બેઠા 😛 .

* હોંગ કોંગ પોલીટેકનીક યુનીવર્સીટી ખુબ જ વિશાળ અને સુંદર છે, ક્લાસરૂમ પણ મોટા અને પહોળા છે.

* સાંજે ટેક શોપિંગ મીટ-અપ હતી એટલે કે બધા જ વિદેશ થી આવેલા મહેમાનો ભેગા મળી શામ શુઈ પો જવાના હતા. શામ શુઈ પો એટલે કે અહિયાં ઇલેક્ટ્રોનીક્સ અને કોમ્પ્યુટર અને કેમેરા માટેની બહુ પ્રખ્યાત માર્કેટ છે.

* યુનીવર્સીટીથી નીકળવામાં હું અને કાર્તિક બંને મહેમાનો થી છુટા પડ્યા, છુટા તો પડ્યા પણ અમારા બંનેનાં ફોન ની બેટરી બંધ, ઈન્ટરનેટ નહિ અને સારો નકશો પણ નહિ 😛  .

* પછી શું ? જેમ તેમ કરી મોન્ગ કોક સ્ટેશન પહોંચ્યા, ગમે તેમ કરી કોઈકને પૂછી કરી સહેજ સાચા રસ્તે ચળ્યા અને ફરીથી સબવે લેવાનું નક્કી કર્યું.

* અજાણ્યો દેશ, અજાણ્યું શહેર, ચિત્ર વિચિત્ર ભાષા, ન વાંચી કે ઓળખી શકો  લીપી, કોઈ પણ લોકલ વ્યક્તિ ને અંગ્રેજી પણ ન આવળે,  તો પણ જેમ તેમ ફાં ફાં મારી શામ શુઈ પો પહોંચ્યાં.

* માર્કેટ ખુબ જ વિશાળ, મોટું અને ક્રાઉડેડ છે. ઇલેક્ટ્રોનીક્સનાં ભાવમાં કોઈ પણ ફર્ક નથી, ભારતમાં પણ એજ ભાવ નું મળે. પણ એસેસરીઝ નું માર્કેટ ખુબ જ સરસ, સસ્તું અને વિવધતા થી ભરેલ છે, ઈલેક્ટ્રોનિક દોરડાઓ અને કનેક્ટર તો જે માપ સીઝ અને રંગના જોઈએ તે મળી જાય 😀

* કશુય લીધા વગર માર્કેટ સર્વે કર્યા બાદ પાછા ફર્યા અને સ્ટેશન પર જ એક સરસ મજાની કેક શોપમાં ખુબ જ સ્વાદિષ્ટ ચોકલેટ ચીઝકેક આરોગી 😉 (ફોનમાં બેટરી ન હોવાથી ઈન્સ્ટાગ્રામ ન કરી શક્યો 😛  )

* રાતે બધા ઇસ્ટસાઈડ ટેવર્ન પબ ભેગા થવાનાં હતા, ત્યાં ખાસ અમારા લોકો માટે કાર્લ્સબર્ગની પાઇન્ટ (ખરેખર તો બહુ મોટો ગ્લાસ હતો) માત્ર 48 ડોલરમાં હતી 😉 🙂 .

હોંગ કોંગ દિવસ 2