જામનગર ડાયરી

* ત્રણ મહિના બાદ અને વર્ષ ૨૦૧૪ ની પહેલી પોસ્ટ. હવેથી લખવાનું નિયમીત કરવું પડશે. પણ રોજીંદુ નવું કશું થતું ભી નથી એટલે ખબર પણ ન પડે કે આ બ્લોગ પર લખવું શું.

* છેલ્લા બે મહિના થી જામનગર બિરાજમાન છું. છેલ્લા પાંચ એક વર્ષ પછી પહેલી વાર આટલો લાંબો સમય જામનગર રોકાવાનું થયું. અને હજુ કદાચ થોડા મહિના રોકાવું પડશે :-/

* જામનગર ની જ વાત કરું તો હજુ પણ ગામમાં સુધારો આવ્યો નથી, બપોરે બે વાગ્યા બાદ તો કદાચ ચકલી પણ જોવા નથી મળતી. સુસ્ત ને સુસ્ત.

* ગામના બધાજ રસ્તાઓ ખોદી કાઢેલ છે, કોઈક કેબલ નો જાળ લગાવવામાં આવી રહ્યો છે. બહુ મિત્રો ગામમાં રહ્યા નથી હવે, થોડા ઘણાં જે અહી જ સ્થાયી છે તેમને ક્યારેક મળવાનું થાય.

* તળાવ ની પાળ કે લાખોટા લેક ની રી-ડેવલપમેન્ટનાં નામે મધર-સિસ્ટર એક થય રહી છે. એટલે ત્યાં જવાની પણ હવે પહેલાં જેવી મજા રહી નથી.

* હમણાં થોડા સમય પહેલાં કોઈએ ગામમાં થી રસ્તો ખોદી બી એસ એન એલ નાં કેબલ ચોરી કર્યાં. ફૂટેલા નસીબ કે અમારી લાઇન પણ એ જ કેબલમાં થી પસાર થતી હતી.

* હજુ પણ બી એસ એન એલ નું બ્રોડબેન્ડ એટલું જ વાહિયાત છે.

* ગામમાં એકાદ બે નવાં રેસ્ટ્રો કે કેફે ખુલ્યા છે જેની મુલાકાત લેવાની બાકી છે.

* જામનગરની ચૂંટણી આ વખતે રસપ્રદ છે કારણ કે કાકા ભત્રીજી એક બીજા સામે ઉભા છે. ફરી મને આ વખતે મત દેવાની તક મળશે.

* લાંબા સમય બાદ સ્વીમીંગ પાછું ચાલુ કરવામાં આવ્યું છે. અહી કોર્પોરેશને સરસ મજાનો સ્વીમીંગ પૂલ બનાવ્યો છે જેનો લાભ લેવામાં આવી રહ્યો છે.

* છેલ્લાં થોડાં સમય થી જિંદગીમાં ઘણી ઉત્થલ-પાથલ થયેલ છે, પણ તેનાં ફળ અત્યારે મળી રહ્યા છે.

* જોયેલા સપનાંઓમાં નું એક કદાચ ટુંક સમયમાં પાર પડશે.

* થોડા સમય પહેલાં રાજકોટ, મોરબી અને આજુ બાજુ નાં ઘણાં ગામડાઓ ની મુલાકાત લેવામાં આવી.

* હવે તો લગભગ ઘરનાં અને બધાજ સગા સબંધીઓ વોટ્સએપ પર આવી ગયા છે :-/

* રસોઈમાં સારો હાથ બેસી ગયો છે 😀 – ઈનસ્ટાગ્રામ પર ફોલો કરનારને ખબર જ હશે 😉

* વધુ વાતો આવતી પોસ્ટમાં !!

જામનગર ડાયરી

ગુડબાય 2013

* લગભગ 2 મહિના બાદ કૈક લખી રહ્યો છું.

* 2013 એકંદરે સારું વર્ષ રહ્યું.

* છેલ્લાં થોડા સમય થી થોડી નવા જૂની ચાલી રહી છે. ખરા સમય આવા પર વધુ કહેવામાં આવશે 😀

* આ વર્ષમાં કળવા/મીઠાં લોકોનાં કળવા/મીઠાં અનભવો થયાં.

* અમદાવાદમાં જેમ 31 ડીસેમ્બર નજીક આવે એમ પોલીસનું ચેકિંગ અને કોઈના ખાલી ફ્લેટ માટેની શોધ વધી જાય 😉

* આપણા માટે તો દિવાળી પછી જ નવું વર્ષ ચાલું 🙂

* આશા છે કે આવતી 31 ડીસેમ્બર ન્યુ યોર્ક શહેર કે અંકલ સેમમાં બીજી કોઈ જગ્યાએ ઉજવવા મળે B-) 😀

* 2014 માં નિયમીત બ્લોગ લખવાનું રાખીશ – આને ન્યુ યર રીઝોલ્યુશન ન માનવું !!

* બાકી 2013 નાં અંતે પણ મારા બુલેટની પાછલી સીટ ખાલી જ છે 😀 😉

ગુડબાય 2013

જામનગર – દિવાળી – 2013

* ઘણાં સમયથી કઈ લખવાનો અવસર નથી મળ્યો. આજ – કાલ વિકિપીડિયા અને મુક્ત જ્ઞાન માટે સહેજ lobbyingમાં પડ્યો છું. વધુ વિગતો આવતી કોઈક પોસ્ટમાં લખીશ.

* તમે સૌ તમારા પરિવાર જોડે હશો અને દિવાળી માણતા હશો તેવી આશા છે, મારી વાત કરું તો મારા પપ્પા ઓસ્ટ્રેલીયા અને સિંગાપોર વચ્ચે દરિયો ખેળે છે, મારી બહેન હૈદરાબાદ ખાતે છે, મમ્મી જામનગર અને હું અમદાવાદ, તો આ પ્રકારે મારું પરિવાર ચારેય દિશામાં પથરાયેલું છે 🙂

* મને તો યાદ પણ નથી કે અમે ચારેય લોકો દિવાળીમાં કે કોઈ તહેવારમાં છેલ્લે ક્યારે ભેગા હતા, પણ શું થાય? સંજોગોને કારણે હવે આદત પડી ગઈ છે.

* ગઈ દિવાળી તો ખુબ જ ખરાબ ગયેલ એટલે આ વખતે તો જામનગર કોઈ પણ કાળે જવું જ હતું, એટલે થોડા દિવસ માટે હું નવાનગર ખાતે છું 😀

* ઘણાં જુના મિત્રો અને (સુડો) સગા સંબંધીયો જોડે મુલાકાત થશે 😉 અને ઘરનું ખાવાનું મળશે !!

* આજે સાંજે તો હું જામનગરનાં ટ્રાફિકમાં ફસાણો 😮 …….. હા હા હા સાંભળીને અચરજ થાયને? મને પણ થયો હતો, પણ આ સત્ય છે 🙂

જામનગર – દિવાળી – 2013

બેંગ્લોર દિવસ 2

* સવારે ઈડલી અને ઉળીદ વળાં કે મેંદુ વળાં આરોગવામાં આવ્યા.

* દિવસની શરુઆતના સેશન ખુબ જ બેઝીક પ્રેઝેન્ટેશન ટેકનીક પર હતાં 😦 ગઈ કાલ વાળો જ વ્યવસાયિક સ્પીકર આવેલો, આપણને તો એમાં બહુ કઈ રસ ન પડયો.

* આજે બપોરે હરી પ્રસાદ નાડીગ સાથે મુલાકાત થઈ. ત્રણ વર્ષ પહેલાં જ્યારે પ્રથમ વિકિપીડિયન અનિરુધ ભાટી સાથે મુલાકાત થઈ હતી ત્યારે હું હરીને મળ્યો હતો અને એ બન્ને લોકોએ મને વિકિપીડિયા પર આવવા પ્રોત્સાહન આપ્યું હતું 🙂 હરી પ્રસાદ ભારતનાં જૂનાં વિકિપીડિયનમાં નો એક છે, તે કન્નડ અને સંસ્કૃત વિકિપીડિયા પર પ્રબંધક પણ છે અને તેણે વિકિમીડિયા ભારત રચવામાં પણ ખુબ મદદ કરેલ છે.

* બસ એ દિવસ થી જ આખી જિંદગી બદલાય ગઈ અને આજે હરી મને જોઇને પણ ખૂશ થયો અને ઘણાં વિષયો પર ખુબ ચર્ચા થઈ.

* ત્યાર બાદ સુનીલ અબ્રાહમ સાથે મુલાકાત થઈ. સુનીલ, ભારતમાં ઈન્ટરનેટને લાગતી વળગતી ચળવળમાં ખુબ આગળ પડતું માથું છે. તેની સાથે પણ ચર્ચા કરવાની ખુબ મજા આવી, તે બહુ સારો વ્યક્તા અને વ્યક્તિ છે 😀

* બેંગ્લોરનાં વાદળોનાં પણ દર્શન નથી થયા 😀 સવાર થી સાંજ લગભગ એક જ ઓરડામાં નીકળી જાય છે. છેલ્લા એક વર્ષમાં જેટલું નારિયલ નહિ ખાધું હોય એટલું તો માત્ર બે દિવસમાં ખાધું, બધાજ શાકમાં નારિયલ !! 😮 તેમ છતાં અત્યારે તો સ્વાદિષ્ટ લાગે કારણ કે નવીન વસ્તુ છે, પણ જો અહિયાં જ રહેવાનું હોય તો તો વિચારવું પડે 😀

બેંગ્લોર દિવસ 2

બેંગ્લોર દિવસ 1

* દિવસની શરૂઆત નાશ્તામાં ઢોસા અને ભાજીથી થઇ (welcome to Bangalore 😀 ) !

* વિકિપીડિયાનાં કાર્યક્રમ હેઠળ કન્નડ, તેલુગુ, મલયાલી, કોનકણી, મરાઠી, ઓળિયા, બંગાળી, હિન્દી, પંજાબી વિકિપીડિયાનાં કાર્યકરો આવ્યા છે. અને હાઁ પહેલું બહું વગોવાયેલું વિકિપીડિયા ક્લબ પુણે પણ હાજર છે 😛

* સવારનાં શેશનો બહુ બેઝીક રજૂઆતને લઈને હતા, બહું નવાઈ લાગી કે અમુક લોકોનાં 20,000 એડિટ કાઉન્ટ હોવા છતા વિકિપીડિયા વિષે 2 મીનીટમાં સરળ ભાષામાં (અંગ્રેજી કે તેમની માતૃભાષા) ન બોલી શકે 😦

* બપોરે એક વ્યવસાયિક સ્પીકરને બોલાવવામાં આવ્યો હતો, તેને સારું પ્રેઝેન્ટેશન આપ્યું પણ કશું નવું જાણવાં ન મળ્યું.

* અમુક લોકો સાથે ચર્ચા કરવાની ખુબ મજા આવી. તે લોકોની કમ્યુનીટી કઈ રીતે કામ (કે બબાલ) કરે તે જાણવા જેવું છે.

* આ બધા લોકોને જોતા તો મારે ધવલભાઈ, અશોકભાઈ અને ગુજરાતી વિકિપીડિયા પર યોગદાન દેનાર દરેક વ્યક્તિનો આભાર માનવો જોઈએ કે આપણાં લોકોમાં સંમતી છે બધા કાર્યો ખુબ જ શાંતિથી થાય છે, વગર કોઈ ફાલતું માથાકૂટે. ભલે ગુજરાતી વિકિપીડિયા કમ્યુનીટી ખુબ નાની છે પણ એકદમ અસરકારક છે. તમને લોકોને પણ ગુજરાતી વિકિપીડિયા કે વિકિસોર્સ પર જોડાવવા આમંત્રણ છે 🙂

* દરેક વખતે જમવામાં કંઇક નારિયલની વસ્તુ હોય જ છે, અને રાત્રે જમીને આપણી આંગળી જેટલા લાંબા કેળા આપવામાં આવે છે 😀

બેંગ્લોર દિવસ 1

બેંગ્લોર દિવસ 0

* અમદાવાદથી બેંગ્લોર જેટ કનેક્ટની ફલાઈટ વાયા મુંબઈ હતી. એક વિચિત્ર વસ્તુ જાણવા મળી કે અમદાવાદથી જો હું પ્લેનમાં બેઠો, મુંબઈ પર પ્લેન બદલવાનું પણ ન હતું એજ પ્લેનમાં નવા મુસાફરો ચળે તેમ છતા પ્લેનની અંદર અમદાવદથી આવેલા મુસાફરોની બેગનું ફરીથી ચેકિંગ થાય અને ટ્રાન્ઝીટ ચેકનો ટેગ લાગે 😀 what a waste of resources !

* બેંગ્લોર એરપોર્ટ કંઈ એટલું ખાસ મોટું ન લાગ્યું, પણ પાર્કિંગની અને અન્ય વ્યવસ્થાઓ સારી છે.

* ટેક્સી ડ્રાયવર લેવા આવેલ, પણ તેને હિન્દી કે અંગ્રેજીમાં કઈ ખબર ન પડે.

* હું બેંગ્લોરમાં છું જ નહિ એવું કહેવું જરાય ખોટું નથી. દુર દુર કોઈક અત્યાધુનિક બીઝનેસ સેન્ટર માં કાર્યક્રમ છે. રહેવા ખાવા પીવાનું બધું એક જ જગ્યાએ.

* આજુ બાજુ કોઈ પણ પ્રકારની વસ્તી નથી દેખાતી 😀 સાંજે સહેજ આજુ બાજુમાં ચાલીને આંટો માર્યો તો ખબર પડી કે આખો વિસ્તાર ખ્રિસ્તીઓનો છે અને અમારું સેન્ટર પણ south asia institute of advance christian studies તરીકે જણાય છે !! એટલે રૂમમાં બાયબલ મુકવામાં આવી છે 😀 😛

* મિત્ર અને કઝીનનું ઘર અહિયાંથી લગભગ બે કલાક અને પાંચસો રુપયાની ટેક્સીની દુરી પર છે 😛 ખબર નહિ ક્યારે અને કેવી રીતે જઈશ !

બેંગ્લોર દિવસ 0